Yevropa Ittifoqining Erasmus+ AgroDev loyihasi doirasida 2023 yil 17-aprel kuni TDIU Samarqand filiali professor-o‘qituchilaridan iborat delegatsiya Polsha davlatining Krakov universitetiga tashrif buyurishdi. Dasturi rejasi bo’yicha Polsha Fanlar akademiyasi Kataliz instituti faoliyati bilan yaqindan tanishildi. Turli xil yog’-moy chiqindilaridan bioplastiklar ishlab chiqarish texnologiyasi bo’yicha ma’ruza qilindi, laboratoriya faoliyati bilan yaqindan tanishtirildi. 
Kunning ikkinchi yarmida Krakov qishloq xo’jalik universiteti Xalqaro hamkorlik ishlari bo’yicha prorektor, professor Andrzej Sechma hamda Oziq-ovqat texnologiyasi fakulteti dekani, professor Bogdan Kuliglar bilan universitet faoliyati tanishtirildi.
Ma’ruzachi professor Yacek Antonkevich tomonidan Tuproq sifatining xalqaro standartlari mavzusida ma’ruza o‘qildi. Tinglovchilar tomonidan qiziqarli savol javoblar bo’lib o’tdi. 
Seminar davomida Krakov shahrida joylashgan “PRIMAVEGA Grupa Producentow warzyw” sabzavotchilikka ixtisoslashgan yirik kompaniya mutaxasisslari korxona faoliyati bilan tanishtirdi. Salat bargi hamda brokkeli sabzavotlarini innovatsion texnologiyalar asosida yetishtirish faoliyati bilan tanishtirib o‘tildi.