Oʼzbekistonning Yaponiyadagi elchixonasi tomonidan Yokoxama milliy universiteti bilan oʼzbekistonliklarning Universitetning stipendiya va grant dasturlarida ishtiroki boʼyicha muzokaralar olib borildi.
Yaponiya tomonining maʼlumotiga koʼra, xozirgi paytda universitetda 2022 yil oktyabrь yoki 2023 yil aprelь oylarida doktoranturaga kirish istagida boʼlganlar uchun Аkademik martabani qoʼllab-quvvatlash boʼyicha global doktorlik dasturi (Global Doctoral Program for Academic Career Support, GDACS) mavjud (batafsil maʼlumot https://www.ynu.ac.jp/english/admissions/scholarship/gdacs/).
Dastur rivojlanayotgan mamlakatlardagi universitet oʼqituvchilari uchun moʼljallangan boʼlib, talabalarni kirish va oʼqish toʼlovlardan ozod qiladi va muvaffaqiyatli talabalar uchun oylik 100 ming yen (taxminan 1 ming АQSh dollari) stipendiyasi bilan taʼminlaydi. 
Yokoxama milliy universiteti (YMU) quyidagi maktablar ushbu dasturda ishtirok etadi:
Xalqaro ijtimoiy fanlar Oliy maktabi
Muhandislik fanlari Oliy maktabi
Аtrof-muhit va axborot fanlari Oliy maktabi
Shahar innovatsiyalari Oliy maktabi.
Nomzodlarga qoʼyiladigan talablar:
1) magistraturani tamomlab, magistrlik darajasiga ega boʼlish;
2) yuqori akademik yutuqlarga ega boʼlish;
3) yapon yoki ingliz tillarini mukammal bilish;
4) doktorlik darajasini qoʼlga kiritgandan soʼng oʼzining oʼquv muassasasiga qaytish hamda YMU va ushbu muassasa oʼrtasidagi taʼlim va tadqiqot hamkorligini rivojlantirish uchun motivatsiyaga ega boʼlish.
Аbiturientlar barcha shartlarga javob bergan taqdirda, ular kerakli hujjatlarni tayyorlashlari, boʼlajak akademik maslahatchini topishlari va hujjatlarni topshirishlari kerak.
Hujjatlarni quyidagi veb-saytdan yuklab olish mumkin:
https://www.ynu.ac.jp/english/admissions/scholarship/gdacs/ (ingliz tilida)
https://www.ynu.ac.jp/international/accept/academic.html (yapon tilida).
Ariza topshirishning oxirgi muddati 2022 yil 13 mart.
Murojaat qilish uchun maʼlumot:
Yokoxama milliy universiteti (Yokohama National University)
Talabalar bilan ishlash boʼlimi (Student Affairs Department)
Xalqaro taʼlim boʼlimi (International Education Division)
Xalqaro qabul komissiyasi (International Admissions Office)
Аdres: 79-8 Tokiwadai, Hodogaya-ku, Yokohama 240-8501
E-mail：iao ynu.ac.jp.