O'zbekiston Respublikasi Prezidentining 2021 yil 24 yanvardagi “Davlat oliy ta'lim muassasalarining akademik va tashkiliy-boshqaruv mustaqilligini ta'minlash bo'yicha qo'shimcha chora-tadbirlar to'g'risida (https://lex.uz/pdfs/5793261)”gi PQ-60-sonli qaroriga asosan Toshkent davlat iqtisodiyot universiteti byudjetdan tashqari mablag'lari hisobidan grant ajratish orqali tayanch doktoranturaga (PhD) tanlov e'lon qiladi.

   Talabgorlarni o'qitish shartnoma asosda tashkil etilib, ularga belgilangan tartibda har oylik stipendiya to'lanadi.

Talabgorlarga qo'yiladigan asosiy talablar:  

 uch yil ichida PhD ilmiy darajasini olish;

 o'qish muddati tugaganidan so'ng kamida 5 (besh) yil uzluksiz ravishda universitetda asosiy shtatda ilmiy-pedagogik faoliyat yuritish (universitetga ishlab berish).
   Talabgor uch yillik o'qish muddati ichida PhD ilmiy darajasini olmagan taqdirda unga universitet tomonidan sarflangan barcha harajatlarni to'liq miqdorda universitetga qaytarib berish majburiyatini oladi. 
Tayanch doktoranturaga (PhD) talabgorlar ariza, qisqacha biografik ma'lumotnoma,  mehnat daftarchasining belgilangan tartibda tasdiqlangan nusxasi (ishlayotgan talabgorlar uchun), oliy ta'lim muassasasi magistratura diplomi va uning ilovalari, nashr etilgan ilmiy ishlar ro'yxati, shuningdek ularning nusxalari, ilmiy maslahatchining rozilik xati bilan murojaat qiladilar.
 Ma'lumotlar O'zbekiston Respublikasi Innovatsion rivojlanish vazirligining http://phd.mininnovation.uz/ veb-saytiga joylashtiriladi va asl nusxalari Ilmiy-tadqiqotlar va innovatsiyalar bo'limida qabul qilib olinadi. Imtihon jarayoni ikki bosqichda tashkil etilib, talabgorlar mutaxassislik va chet tili bo'yicha test hamda og'zaki suhbatdan o'tadilar. Imtihonlardan o'tgan talabgorlar universitet kengashining qaroriga asosan rektor buyrug'i bilan 1 martdan o'qishni boshlaydilar. 
Hujjatlar 2022 yil 25 yanvardan 15 fevralgacha bo'lgan davrda qabul qilinadi.
            
Qo'shimcha ma'lumot olish uchun Toshkent davlat iqtisodiyot universitetining Ilmiy-tadqiqotlar va innovatsiyalar bo'limiga murojaat etish  mumkin.
Tel.: 71-239-01-43, Manzil: 100066, Toshkent shahri, Islom Karimov ko'chasi, 49-uy, Universitet 3.0 Markazi, 2-qavat. doctorant.tsue.uz