Sanoat va qishloq xo’jaligi yuqori darajada rivojlangan hududlarda tabiat va jamiyat o’rtasida o’zaro ta’sirning keskinlashuvi oqibatida mintaqaviy ekologik muammolar kelib chiqmoqda. Bu ekologik muammolar tabiiy muhitni keskin o’zgartirib, aholi salomatligiga ta’sir etmoqda. 
2023 yil 6 fevral kuni TDIU Samarqand filialida majlislar zalida O‘zbekiston ekologik partiyasi Samarqand viloyati Kengashi va Samarqand shahridagi oliy ta’lim muassasalari olimlari xamkorligida “Ekologik muammolar olimlar nigohida” mavzusidagi bo`lib o`tgan davra suhbati Oʻzbekiston Respublikasi Prezidentining 2022-yil 2-dekabrdagi “2030-yilgacha Oʻzbekiston Respublikasining “Yashil” iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida” gi PQ-436-son qarorida keltirilgan “2030-yilgacha Oʻzbekiston Respublikasida “yashil” iqtisodiyotga oʻtish va “yashil” oʻsishni ta’minlash boʻyicha” Harakatlar rejasida belgilangan topshiriqlar ijrosini ta’minlashga, shuningdek omma orasida ekologik muammolarni sabablari va omillari toʻgʻrisida bilim va koʻnikmalarni shakllantirishga qaratilgan. 
Tadbir doirasida O‘zbekiston ekologik partiyasi Samarqand viloyati Kengashi va Samarqand shahridagi oliy ta’lim muassasalari olimlari tamonidan tamonidan quyidagi mavzularda maruzali chiqishlar amalga oshirildi. 
- Yashil makon doirasida Samarqand viloyatidagi dolzarb ekologik masalalar; 
- Veterinariya va chorvachilikdagi ekologik muammolar; 
- Barqaror rivojlanish tamoyillari; 
- Oziq-ovqat xavfsizligini taʼminlash va organik dehqonchilikka eʼtibor; 
- Qishloq xo‘jalik ekinlari zararkunanda va kasalliklariga qarshi kurashdagi ekologik muammolar va uyg‘unlashgan (IPM) tizimi; 
- Maishiy va sanoat oqova suvlarini biologik tozalashda o'simliklardan foydalanish masalalari;  
 
“Ekologik muammolar olimlar nigohida” mavzusidagi davra suhbati muhokama va takliflarida hozirgi davrdagi ekologik muammolar, ularni keltirib chiqaruvchi manbalar va omillar, ularning asosiy sabablari, tabiiy sharoitlarni oʻzgarishi oqibatida biosferada biologik va ekologik oʻzgarishlar, mintaqaviy va mahalliy ekologik muammolarning shakllanishi va oʻziga hosligi, ekologik muammolarni kelib chiqishini tabiiy va antropogen sabablari, issiqhona effekti, iqlim isishi oqibatlarining aholi sogʻligiga ta’siri, tuproq va suv degradatsiyasi, veterinariya va chorvachilikdagi ekologik muammolar, kelajakdagi tabiiy sharoitlarni oʻzgarish oqibatlari, ekologik muammolarni oldini olish boʻyicha choratadbirlar, Oʻzbekistonda ekologik muhitning oʻzgarishi bilan bogʻliq muammolar, halqaro ekologik muammolar nazorati va tabiiy iqlim sharoitini saqlashga doir qonunlar haqida ma’lumotlar keltirildi.