Ingliz tili orfoegrafiyasi bo'yicha Xalqaro ta'lim bo'yicha Amerika kengashi O'zbekiston talabalari o'rtasida yirik xalqaro tanlov o'tkazmoqchi.

O‘zbekiston Respublikasi Tashqi ishlar vazirligining 2022-yil 31-iyuldagi 20/27646-sonli hamda Xalqaro ta’lim bo‘yicha Amerika Kengashlarining O‘zbekistondagi vakolatxonasining 2022-yil 8-avgustdagi 22-260 va 2022-yil 30-avgustdagi 22-326-sonli xatlariga muvofiq, 2022-yil sentabr-oktabr oylarida O‘zbekiston oliy ta’lim muassasalari talabalari o‘rtasida ingliz tili orfografiyasi bo‘yicha respublika tanlovi(“SpellingBee”)o‘tkazilishi rejalashtirilgan. Vazirlik ushbu tanlovning o‘tkazilishi talabalarning ingliz tili bilimlari takomillashtirilishiga xizmat qiladi hamda 2021-yil 19-maydagi “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida”gi PQ-5117-son qaroridan kelib chiqadigan maqsad va vazifalarga javob beradi deb hisoblaydi. Ushbu ingliz tili orfografiyasi tanlovi (“Spelling Bee”) ingliz tilidagi so‘zlarni talaffuz qilish bilan bog‘liq.

Tanlovda faqat 18 yoshdan 25 yoshgacha bo‘lgan bakalavriat talabalari ishtirok etadi. Tanlov g‘oliblari 2022-yil noyabr oyida Toshkent shahrida bo‘lib o‘tadigan Markaziy Osiyo tanlovida ishtirok etish va O‘zbekiston sharafini himoya qilish imkoniyatiga ega bo‘ladilar.

Ushbu xalqaro tanlov Samarqand viloyatida 28-29-sentyabr kunlari, Samarqand davlat chet tillari institutida o'tkazilishi rejalashtirilgan. Toshkent davlat iqtisodiyot universiteti Samarqand filialidan qatnashmoqchi bo'lgan talabalar Tillar kafedrasi ingliz tili o'qituvchisi Osmanov Mustafo ustozga quyidagi raqamlar orqali murojaat qilishlari mumkin.
Tel raqam: +998905040612