O‘zbekiston Respublikasi Prezidentining 2021-yil 19-maydagi “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida”gi PQ-5117-son qarorining 6-bandida 2022/2023-o‘quv yilidan boshlab oliy ta’lim muassasalarining magistratura mutaxassisliklariga hamda oliy ta’limdan keyingi ta’lim ixtisosliklariga tanlovlarda milliy yoki unga mos darajadagi xalqaro sertifikatga ega shaxslar ishtirok etishi tartibi joriy etilishi, bunda, filologiya yo‘nalishlari bo‘yicha kamida C1 darajadagi milliy yoki unga mos darajadagi xalqaro sertifikat, nofilologik yo‘nalishlari bo‘yicha esa B2 darajadagi milliy yoki unga mos darajadagi xalqaro sertifikat talab etilishi belgilangan. Shuningdek, Vazirlar Mahkamasining 2021-yil 19-maydagi “Xorijiy tillarni o‘rganishni ommalashtirishni samarali tashkil etish chora-tadbirlari to‘g‘risida”gi 312-son qarorining 9-bandida 2024/2025-o‘quv yiliga qadar davlat oliy ta’lim muassasalarida faoliyat yuritayotgan kasbiy fanlar (xorijiy tildan tashqari) o‘qituvchilarining 50 foizi kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi belgilangan. Ushbu qarorlarda belgilangan vazifalar ijrosini ta’minlash maqsadida Toshkent davlat iqtisodiyot universiteti Samarqand filiali Tillar kafedrasi 307B-o‘quv xonasida  magistraturada o‘qish hohishida bo‘lgan bakalavriat   talabalari, oliy ta’limdan keyingi ta’lim institutlarida ta’lim olmoqchi bo‘lgan magistratura talabalari, shuningdek o‘qituvchilar, xodimlar uchun haftaning har dushanba, chorshanba, juma kunlari soat 15.30 da xorijiy tillarni o‘rgatish bo‘yicha kurslar  tashkil etilganligini ma’lum qilamiz.