Assalomu alaykum hurmatli talabalar. Sogʻliqni saqlash vazirligi va Sanitariya-epidemiologik osoyishtalik va jamoat salomatligi xizmatining taklifiga asosan koronavirus infeksiyasining yangi shtammi bolalar va yoshlar oʻrtasida tarqalishi yuqoriligini eʼtiborga olgan holda joriy yilning 24-yanvaridan boshlab, bir oy muddat davomida taʼlim olish tizimi masofaviy (onlayn) shaklda olib borilishi rejalashtirlgan. Shuni hisobga olgan holda Sirtqi bo‘lim “Soliqlar va soliqqa tortish” ta’lim yo‘nalishi 1-bosqich talabalariga 2021/2022 o‘quv yili kuzgi semestri uchun darslar 2022 yil 24 yanvardan 19 fevralga qadar haftada yakshanbadan tashqari har kuni dars jadvali asosida Zoom (link beriladi) va Moodle plarformasida onlayn shaklda nazariy amaliy ta’lim va attestatsiyalar bo‘lib o‘tishini hamda davomat HEMIS platformasi orqali olib borilishini ma’lum qilamiz. Har bir talaba Onlayn darslarga to‘liq qatnashishlari shart. Darslarda ishtirok etmagan talabalar yakuniy nazoratlarga ruxsat etilmaydi. O’zbekiston Respublikaasi Vazirlar Mahkamasining 2020 yil 31 dekabr “Oliy ta’lim muassasalarida ta’lim jarayonini tashkil etish bilan bog‘liq tizimni takomillashtirish chora-tadbirlari to‘g‘risida”gi 824-sonli qarori 1-ilovasi 8-bobiga asosan “Bir fanga ajratilgan auditoriya soatining 25 foizini va undan ortiq soatni sababsiz qoldirgan talaba ushbu fandan chetlashtirilib, yakuniy nazoratga kiritilmaydi. O’zbekiston Respublikaasi Vazirlar Mahkamasining 2017 yil 20 iyun “Oliy ta’lim muassasalariga o’qishga qabul qilish, qayta tiklash va o’qishdan chetlashtirish tartibi to’g’risida”gi 393-sonli qarori 5-bob 36-bo’lim “d” bandiga (bir semestr davomida darslarni uzrli sabablarsiz 74 soatdan ortiq qoldirganligi sababli) asosan talabalar safidan chiqariladi.

     Nazorat ishlari har bir fan kesimida ishlab chiqilgan Uslubiy ko’rsatma asosida har bir talaba tomonidan qo‘lda yozilib PDF formatda Moodle platformasiga yuklanadi va fan o’qtuvchi tomonidan ko’rib chiqilib baholanadi. Talabga javob bergan Nazorat ishlar baholanib qabul qilinadi va bo‘lim tomonidanro’yxatdan o’tkaziladi. Talab darajasida bo’lmagan Nazorat ishlari qayta ishlash uchun muddat beriladi. Nazorat ishlarini belgilangan muddatlarda platformaga yuklab baholanmagan talaba yakuniy nazoratlarga ruxsat etilmaydi.