Toshkent davlat iqtisodiyot universiteti Samamrqand filialida Latviya amaliy bilimlar va texnologiyalar universiteti bilan ham qo’shma ta’lim dasturi mavjud bo’lib, unga asosan hozirda “Axborot tizimlari va texnologiyalari” (tarmoqlar va sohalar bo’yicha) ta’lim yo’nalishida 23 nafar talaba tahsil olmoqda.

Filialda qo’shma ta’lim dasturi bo’yicha hamkor universitet professor-o’qituvchilari bilan onlayn uchrashuv tashkil etildi. Unda universitetning o’quv ishlari prorektori, professor Aigars Laizans, xalqaro hamkorlik markazi boshlig’i Voldemars Bariss, axborot texnologiyalari fakul’teti dekani Jekaterina Smirnova hamda boshqalar, filialimiz tomonidan o’quv va tarbiya ishlari bo’yicha direktor o’rinbosari Farhod Ahrorov, xalqaro hamkorlik bo’limi boshlig’I Hamid To’rayev, xorijiy oliy ta’lim muassasalari bilan hamkorlikdagi qo‘shma ta’lim dasturlarini muvofiqlashtirish bo‘limi va qo’shma dastur talabalari ishtirok etdilar.

Aytish mumkinki, uchrashuv samimiy ruhda o’tdi. Talabalar o’zlarini qiziqtirgan savollariga javob oldilar. Qo’shma dastur talabalarimizning keying o’qishlari, o’quv dasturlarini takomillashtirish, dars sifatini oshirish, hamkor universitetning salohiyatli professor-o’qituvchilari muntazam ravishda mutaxassislik fanlari bo’yicha onlayn dars mashg’ulotlari o’tib berishlariga kelishib olindi.