O’zbekiston Respublikasi Vazirlar Mahkamasining 2017 yil 22 maydagi “Oliy o’quv yurtidan keyingi ta’lim tizimini yanada takomillashtirish to’g’risida”gi 304-sonli Qaroriga muvofiq, Toshkent davlat iqtisodiyot Samarqand filiali 2021 yil uchun tayanch doktoranturaga (PhD) quyidagi ixtisosliklarga tanlov e’lon qiladi:

Filial tayanch doktoranturasiga quyidagi talablarga ega bo’lganlar qabul qilinadi:

– magistr darajasiga yoki oliy ma’lumot to’g’risidagi diplom (mutaxassislik dasturlari bo’yicha) ega bo’lganlar;

– falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo’lgan ilmiy natijalar, shu jumladan ilmiy jurnallarda chop etilgan kamida bitta maqola hamda tegishli yo’nalishlar bo’yicha ikkitadan kam bo’lmagan ilmiy ishlar to’plamlariga kiritilgan ma’ruza tezislariga ega bo’lganlar. 

Hujjatlar 2020 yil 15 sentyabrdan - 15 oktyabrgacha qabul qilinadi.

Tayanch doktoranturada o’qishga talabgorlar quyidagi hujjatlarni http://phd.mininnovation.uz/  sayti orqali onlayn ro’yxatdan o’tkazadilar hamdaIlmiy tadqiqotlar, innovatsiyalar va ilmiy-pedagog kadrlar tayyorlash sektoriga quyidagi hujjatlarni taqdim etadilar:

- ariza;

- qisqacha biografik ma’lumotnoma;

- mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);

- oliy ta’lim muassasasi magistraturasi diplomi yoki  oliy ma’lumot (mutaxassislik dasturlari bo’yicha) to’g’risidagi diplom nusxasi (ilovasi bilan birgalikda);

– nashr etilgan ilmiy ishlar ro’yxati, shuningdek ularning nusxalari (dissertatsiya tadqiqoti asosini tashkil qilishi mumkin bo’lgan ilmiy jurnallarda chop etilgan kamida bitta maqola hamda tegishli yo’nalishlar bo’yicha ikkitadan kam bo’lmagan ilmiy ishlar to’plamlariga kiritilgan ma’ruza tezislariga ega bo’lish talab etiladi);

O’zbekiston Respublikasi Prezidenti Davlat stipendiyasi sohiblari tegishli hujjat nusxasini taqdim etadilar.

 Tayanch doktoranturaga kirish imtihonlari 2020 yil 1-25 noyabr kunlari o’tkaziladi.

Tayanch doktoranturaga o’qish uchun talabgorlar mutaxassislik  va chet tili (ta’limning oldingi darajalarida o’rganilgan xorijiy til) bo’yicha kirish imtihonlari topshiradilar.

Tayanch doktoranturada o’qish uchun talabgorlar mutaxassislik va chet tili (ta’limning oldingi darajalarida o’rganilgan xorijiy til) bo’yicha kirish imtihonlarini topshiradilar. Talabgorlarda IELTS (o’rtacha balli kamida 5.5), TOEFL (PBT) (567 balldan kam bo’lmagan), TOEFL (IBT) (87 balldan kam bo’lmagan), CEFR (B2 darajadan past bo’lmagan) bo’yicha tasdiqlovchi amaldagi xalqaro malaka sertifikatlari mavjud bo’lganda chet tilidan topshiriladigan imtihondan ozod etiladi.

Batafsil ma’lumotlar  www.sbtsue.uz  saytida mavjud.

Manzil: Samarqand shahri, Professorlar ko’chasi 51-uy, Toshkent davlat iqtisodiyot universiteti Samarqand filiali, Ilmiy tadqiqotlar, innovatsiyalar va ilmiy-pedagog kadrlar tayyorlash sektori.

Murojaat uchun telefonlar: +99891-534-54-14, 0366-237-32-81