2024 yil 29 mart kuni “Favqulodda vaziyatlardan muhofaza qilish va fuqaro muhofazasi oyligi” munosabati  bilan Toshkent davlat iqtisodiyot universiteti Samarqand filiali “Fuqaro muhofazasi” Bahor mavsumida yuzaga kelishi mumkin bo‘lgan tabiiy tusdagi Sel va kuchki bilan bog‘liq favqulodda vaziyatlar  hamda ishchi xodimlar va talabalarni “Zilzilaga qadar, zilzila vaqtida va zilziladan so‘ng harakatlanish qoidalari” mavzusida nazariy va amaliy mashg‘ulotlar olib borishda tadbirlar samaradorligini oshirish to‘g‘risida seminar bo‘lib o‘tdi. Tadbirda Samarqand viloyati Favqulodda vaziyatlar boshqarmasi Hayot faoliyati xavfsizligi o‘quv markazi o‘qituvchisi A.Turdiqulov o‘z ma’ruzasida tadbir ishtirokchilariga 2024 yilning o‘tgan oylarida tabiiy ofatlar jumladan Respublikamiz hududlardagi Sel va ko‘chkilar  asr fojiasi deb nom olgan Turkiyadagi zilzila oqibatlari yuzasidan slayd materiallari orqali batafsil tushunchalar va tavsiyalar berdi. Bundan tashqari, tadbirga jalb etilgan filial tyutorlarining ijarada turuvchi har bir talabani yashash joylarini o‘rgangan holda ular yashaydigan xonadonlarda imoratlarning zilzilabardoshligi  insonlarga xavf soluvchi predmetlardan xavfsiz holatga keltirish bunday vaziyatlar yuz berganda insonlarni hayotdan bevaqt ko‘z yumushlarini oldini olishda ulkan hissa qo‘shishlarini aytib o‘tdi. Tadbir so‘ngida kun tartibidagi masallar bo‘yicha tadbir ishtirokchilari tomonidan berilgan savollarga mutaxassislar tomonidan javoblar berilib, shuning bilan bir qatorda berilgan savollarning muhimligi va ahamiyatidan kelib chiqqan holda amalga oshirilishi lozim bo‘lgan tadbirlar yuzasidan tushunchalar, tavsiya va takliflar hamda ko‘rsatmalar berildi.