Toshkent davlat iqtisodiyot universiteti Samarqand filialida xalqaro ilmiy amaliy konferensiya tashkil etiladi.
O’zbekiston Respublikasi Oliy ta’lim, fan va innovatsiyalar vazirining 2024-yil 18- yanvardagi 16-son buyrug’i asosida Toshkent davlat iqtisodiyot universiteti Samarqand filialida xalqaro ilmiy-amaliy konferensiya o‘tkazilishini ma’lum qilamiz.
Xalqaro Mintaqaviy fanlar assotsiatsiyasi (RSAI-Portugaliya) bilan Toshkent davlat iqtisodiyot universiteti Samarqand filiali hamkorlikda Markaziy Osiyoda barqaror mintaqaviy rivojlanish bo‘yicha II-xalqaro ilmiy konferensiyasi tashkil etiladi. Konferensiya davomida Shvetsiyaning KTH Qirollik Texnologiya Instituti doktori, professor Hans Westlund, Italiyaning Milan Politexnika Universiteti professori Andrea Caragliu, Portugaliyaning Mintaqaviy rivojlanish Assotsiatsiyasi direktori Tomas Dentinho, Braziliyaning San Paulo universiteti professori Eduardo Haddad, AQSHning Toledo universiteti professori Neil Red va boshqa nufuzli mehmonlar tomonidan iqtisodiy geografiya, mintaqaviy rivojlanish, siyosiy iqtisodiyot, raqamli iqtisodiyot, barqaror rivojlanish, yashil iqtisodiyot kabi yo’nalishlarda seminar treninglar va ma’ruzalar tashkil etiladi. Konferensiyaning asosiy maqsadi zamonaviy fanlar oldidagi muammolarni muhokama qilish va ularga yechim topish maqsadida ilm olamiga endi kirib kelayotgan yosh va yuqori tajribali olimlar o’rtasida hamkorlikni rivojlantirish hisoblanadi. Konferensiyada yosh olimlarning ishtirok etishi Toshkent davlat iqtisodiyot universiteti Samarqand filiali tomonidan har tomonlama qo’llab quvvatlanadi va nufuzli olimlar bilan yuzma-yuz fikr almashish uchun barcha sharoitlar yaratiladi. Ushbu konferensiyaga tegishli talablarga rioya qilingan holda yuborilgan maqolalar orasida yuqori nufuzli olimlardan tashkil topgan komissiya tomonidan eng yaxshilari tanlab olinib, Scopus bazasida Q2 kvartilga kiritilgan jurnalda chop etiladi.  
Tadqiqotchilar o'zlarining ilmiy ishlarini (abstract yoki to’liq maqola, tezis) taqdim etish orqali konferentsiyada ishtirok etishga taklif qilinadi. Ilmiy maqolalarni statistik tahlil, chiziqli dasturlash, grafik vizualizatsiya, korrelyatsion regression tahlil, vaqt qatorlari tahlili, tarmoqli tahlil, neyron tarmoqlar yoki boshqa zamonaviy tadqiqot usullarini qo’llagan hamda IMRAD (Introduction, Methodology, Results and Analysis, Discussion) tuzilmasiga rioya qilgan holda yuborish tavsiya etiladi.  
Xalqaro ilmiy-amaliy konferensiyaga qabul qilinadigan maqolalar va tezislar yo'nalishi hamda konferensiyaga oid barcha ma'lumotlar quyidagi havolada:
BATAFSIL MA'LUMOT OLISH
KONFERENSIYA DASTURI BO'YICHA BATAFSIL MA'LUMOT