IT sohasida xalqaro darajada tan olinadigan sertifikatlar bo'yicha ma'lumotlar.

“Bir million dasturchi” loyihasi orqali AQShning “Coursera” kompaniyasining onlayn ta’lim resurslaridan foydalanib, yuqori oylik to‘lanadigan ishga joylashish hamda qo‘shimcha daromad topish imkoniyatiga ega bo‘lishni xohlaysizmi! Unda marhamat!!!

• O‘zbekiston Respublikasi Prezidentining 2023-yil 11-sentabrdagi ““O‘zbekiston – 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida” PQ–300-son qarorining 1-ilovasi 54-bandida “Bir million dasturchi” loyihasini kengaytirish orqali eng iqtidorli yoshlarni tanlab olib, xalqaro nufuzli kompaniyalar talablariga mos dasturlar asosida xalqaro IT bozoriga tayyorlash vazifasi belgilangan.

• Mazkur topshiriq ijrosini ta’minlash maqsadida Raqamli texnologiyalar vazirligi tomonidan yoshlarga “Bir million dasturchi” loyihasining https://uzbekcoders.uz platformasi orqali AQShning “Coursera” kompaniyasining onlayn ta’lim resurslaridan foydalanish imkoniyati yaratilgan.

• Ushbu loyiha doirasida 2023-2025-yillarda 1,2 mln. nafar yoshlar 8 ta yo‘nalishdagi onlayn kurslardan bepul o‘qitish rejalashtirilgan hamda IT-Park tomonidan barcha kontentlardan foydalanish imkoniyatini beruvchi jami 10 ming dona litsenziya sotib olish rejalashtirilgan.

• Ma’lumot uchun: Coursera sertifikatlari butun dunyoda tan olingan bo‘lib, yoshlarga yuqori oylik to‘lanadigan ishga joylashishlariga hamda qo‘shimcha daromad topishlariga imkoniyat yaratadi.

• Shuningdek, Vazirlar Mahkamasining “Xalqaro IT-sertifikatlarga ega yosh mutaxassislarni qo‘llab-quvvatlash chora-tadbirlari to‘g‘risida” 2021-yil 19-maydagi 310-son qarori bilan yoshlarning xalqaro IT-sertifikatlarini olish xarajatlarining 50 foizgacha bo‘lgan qismini qoplab berish tartibi joriy etilgan hamda “Xalqaro IT- sertifikatlar ro‘yxati” tasdiqlangan.

Xalqaro IT-sertifikatlarga ega yoshlarning o‘qishi hamda ularning xalqaro IT-sertifikatlarni olishi uchun sarf qilgan xarajatlarining 50 foizgacha bo‘lgan qismi qoplab berish TARTIBI

• 1. Talabgor, xalqaro IT-sertifikatni olganidan so’ng, https://my.gov.uz/ru/service/622 portali orqali ro‘yxatdan o‘tib, murojaat qoldiradi (Sertifikat berilgan sanadan boshlab 180 kalendar kun mobaynida);

• 2. Ishchi organ talabgorning arizasi va hujjatlarini ko‘rib chiqadi hamda talabgor tomonidan taqdim qilingan xalqaro IT-sertifikatni verifikatsiyadan o‘tkazadi;

• 3. Ishchi organ talabgorning hujjatlarini umumlashtirib, moliyalashtirish yuzasidan takliflarni vakolatli organga kelishish uchun kiritadi;

• 4. Xalqaro IT-sertifikatning haqiqiyligi tasdiqlanmaganda bu haqida talabgorga https://my.gov.uz  portali orqali xabar yuboradi;

• 5. Vakolatli organ tomonidan, xarajatlarni moliyalashtirish yuzasidan kiritilgan takliflar kelishib beriladi;

• 6. Ishchi organ talabgor ko‘rsatgan hisob-varaqqa tegishli pul mablag‘larini yo‘naltiradi.

Xalqaro IT-sertifikatning darajasiga oid xarajatlarining qoplanishi mezonlari: boshlang‘ich – 30%; o‘rta – 40% va professional – 50%.

Coursera dasturi bo'yicha ma'lumot - BATAFSIL

Xalqaro darajada tan olinadigan IT sertifikatlar ro'yxati - BATAFSIL