Toshkent davlat iqtisodiyot universiteti Samarqand filialida korrupsiyaga qarshi kurashish bo'yicha davra suhbati o‘tkazildi.
2023-yil 13-noyabr kuni  korruptsiyaga qarshi kurash “Komplayens” nazorat bo'limi bosh mutaxassisi A.A.Axmedov, ta’lim-tarbiya maslahatchilari va talabalar ishtirokida  “Korrupsiya va odam savdosiga qarshi kurash ” mavzusida davra suhbati tashkil etildi. Davra suhbatida  odam savdosining qurboniga aylanayotgan shaxslarning soddaligi, o'zining, yaqinlarining taqdiriga va kelajagiga befarqligi, ya'ni eng oliy ne'mat hisoblanmish erkin hayot tushunchasiga nisbatan yengil va beparvolik bilan qarashlari oqibatida ushbu odam savdosini amalga oshiruvchi jinoyatchilarning o'ljasiga, aniqrog'i ularning oson daromad manbaiga aylanib qolganliklari haqida aytib o'tildi; korrupsiyaga qarshi qat’iyat bilan kurashish taraqqiyotimizning muhim omillaridan biri ekanligini ta’kidlandi.  Korrupsiyaga nisbatan murosasizlik munosabatini shakllantirish, ijtimoiy adolat tamoyillarini ta’minlash muhimligi qayd etildi. Bu o‘rinda Prezidentimiz Shavkat Mirziyoyevning “Korrupsiyaga qarshi kurashda huquqni muhofaza qiluvchi idoralar qanchalik harakat qilmasin, xalqimiz bu jirkanch illatga murosasiz bo‘lmas ekan, ta’sirchan jamoatchilik nazoratini o‘rnatmas ekan, bu baloga qarshi samarali kurashni tashkil eta olmaymiz. Bu illat bilan nafaqat huquqni muhofaza qiluvchi idoralar, balki har bir jamoa jiddiy kurashishi kerak. Shuning uchun har bir davlat idorasida jamoatchilik tomonidan nazorat qilinadigan korrupsiyaga qarshi kurashish bo‘yicha o‘z ichki dasturlari bo‘lishi shart” degan sozlari muhim ahamiyat kasb etishi ta’kidlandi. Bundan tashqari korrupsiyaga qarshi kurashishda jahon tajribasi, korrupsiyaga qarshi kurashda davlat siyosatining ustuvor yo‘nalishlari, korrupsiyaga qarshi kurashda jamoatchilik nazoratining roli, ushbu illatga muvafaqqiyatli qarshi kurasha olgan davlat haqida so'z bordi. Davra suhbati davomida talabalar o’zlarini qiziqtirgan barcha savollarga atroflicha javob oldilar.