Xotin-qizlar o‘rtasida o‘tkazilayotgan “Hududning 100 nafar ixtirochi ayoli”
tanloviga hujjatlar qabul qilinmoqda.

“Hududning 100 nafar ixtirochi ayoli” tanlovi O‘zbekiston Respublikasi Vazirlar Mahkamasining 2023 yil 31 iyuldagi 34-son bayoni asosida “Insonga e’tibor va sifatli ta’lim yili”da amalga oshirishga oid Davlat dasturining 216-bandi ijrosi bo‘yicha “Ilmli ayol – jamiyat ko‘zgusi” shiori ostida o‘tkaziladigan “XXI asr ayoli” festivali doirasida joriy yilning sentyabr-oktyabr oylarida mamlakatimizning barcha hududlaridaxotin-qizlar o‘rtasida tashkil qilinmoqda.

TANLOVNING MAQSADI

Fan va texnikaning turli yo‘nalishlarida ilmiy tadqiqot ishlari olib borayotgan, ixtirochilik va ratsionalizatorlik faoliyati bilan shug‘ullanayotgan,o‘z qobiliyatini namoyon etayotgan iqtidorli xotin-qizlarni izlab topish, ular amalga oshirayotgan loyihalarni targ‘ib qilish, yangi iqtidor qirralarini ochish, olima ayollar, doktorant, ixtirochi, ratsionalizator, muhandis, loyihachi, dasturchi, shifokor, farmatsevt, agrar soha vakilalari va iqtisodiyotningboshqa sohalarida faoliyat yuritayotgan mutaxassis xotin-qizlar hamdatalaba qizlar orasida sog‘lom raqobat muhitini vujudga keltirish, ularning tashabbuslari va intilishlarini har tomonlama qo‘llab-quvvatlash.

Xotin-qizlarning ilmiy tadqiqot ishlari hamda ixtirochilik faoliyatini qo‘llab-quvatlash, ilmiy, ijodiy va intelektual salohiyatini yuksaltirish, yangi texnika, texnologiya va raqobatbardosh mahsulotlarni yaratish va amaliyotga joriy etishlarida qo‘llab-quvvatlash, ta’lim, fanva ishlab chiqarish orasidagi uzviylikni rivojlantirishni targ‘ib qilish asosidagi loyiha va g‘oyalar mualliflari (intelektual mulk egalari)ni moddiy va ma’naviy jihatdan rag‘batlantirish.

TANLOV TASHKILOTCHILARI

Tanlov tashkilotchilari qo‘yidagilardan iborat:

- Oila va xotin-qizlar qo‘mitasi;

- Oliy ta’lim, fan va innovatsiyalar vazirligi;

- Fanlar akademiyasi;

- Sog‘liqni saqlash vazirligi;

- Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari.

TANLOV NOMINATSIYALARI

Olima va tadqiqotchi xotin-qizlar o‘rtasida o‘tkaziladigan tanlovning nominatsiyalari:

“Eng yaxshi ixtiro muallifi”;
“Eng yaxshi foydali model muallifi”;
“Eng yaxshi sanoat namunasi muallifi”;
“Eng yaxshi seleksiya yutug‘i muallifi”;
“Eng yaxshi EHM uchun dastur va ma’lumotlar bazasi muallifi”;
“AKT bo‘yicha eng yaxshi innovatsion loyiha muallifi”;
 “Eng samarali innovatsion loyiha (fan va texnikaning ustuvor yo‘nalishlari bo‘yicha) muallifi”;
 “Yengil sanoat va to‘qimachilik bo‘yicha eng yaxshi innovatsion loyiha muallifi”;
“Tibbiyot yo‘nalishidagi eng yaxshi innovatsion loyiha muallifi”;
 “Farmatsevtika yo‘nalishidagi eng yaxshi innovatsion loyiha” muallifi;
“Qishloq xo‘jaligi yo‘nalishidagi eng yaxshi innovatsion loyiha” muallifi;
“Pedagogika bo‘yicha eng yaxshi innovatsion loyiha muallifi”;
“Eng yaxshi ijtimoiy loyiha muallifi”;
“Xizmat ko‘rsatish sohasidagi eng yaxshi innovatsion loyiha muallifi”;

6.2. Talaba qizlar o‘rtasida o‘tkaziladigan tanlovning nominatsiyalari:

“ Talaba qizning eng yaxshi innovatsion loyihasi ”;
“Talaba qizning eng yaxshi ixtirosi”;
“ Talaba qizning eng yaxshi mobil ilovasi”;
“ Talaba qizning eng yaxshi veb sayti ”.

Tanlovda olima, doktorant va tadqiqotchi ayollar, talaba qizlar, muhandis, dasturchi, o‘qituvchi, shifokor, farmatsevt, davlat xizmatchilari, agrar soha vakilalari va iqtisodiyotning turli sohalarida ishlayotgan xotin-qizlar qatnashishlari mumkin. Tanlovda qatnashish niyatida bo‘lgan xotin-qizlarning hujjatlari Qoraqalpog‘iston Respublikasi, Toshkent shahri va viloyatlardagi   Oila va xotin-qizlar  tuman (shahar) bo‘limlari mas’ul xodimlari tomonidan joriy yilning 18 sentyabridan 6 oktabrgacha  haftaning dushanba – juma kunlari soat 9.00 dan 17.00 gacha qabul qilinadi.  

Tanlovda ishtirok etmoqchi bo‘lgan xotin-qizlar Oila va xotin-qizlar tuman (shahar) bo‘limiga quyidagi hujjatlar va loyihasini topshirishi lozim:

tanlovda qatnashish haqidagi ariza (1.1-2.1-ilovalar);
ishtirokchining o‘zbek yoki rus tillaridagi ma’lumotnomasi (1.2 -2.2 - ilovalar);
ishtirokchining pasport nusxasi;
tanlov ishtirokchisining ma’lumoti (o‘rta, o‘rta-maxsus yoki oliy o‘quv  yurtini tamomlagani) to‘g‘risidagi hujjatlarning nusxasi;
tanlovda ishtirok etish uchun tavsiya etiladigan loyiha (tanlov nominatsiyasi ko‘rsatilgan holda);
tanlovda ishtirok etish uchun topshirilayotgan innovatsion loyiha bo‘yicha chop etilgan ilmiy ishlar ro‘yxati. Ro‘yxatga ilmiy maqola va tezislar, intellektual mulk obyektlari muhofaza hujjatlari(ixtiro uchun patent, foydali model, seleksiya yutuqlari, sanoat namunasi, tovar belgilari, dasturiy mahsulotlar)va  ratsionalizatorlik taklifi guvohnomasi (agar mavjud bo‘lsa) kiritiladi hamda   va nusxalari ilova qilinadi;
Tanlovga qo‘yilgan loyihaga tegishli  sinov eksperimentlari o‘tkazilganligi to‘g‘risidagi dalolatnomalar, loyiha doirasida ishlab chiqariladigan maxsulotga taalluqli bo‘lgan tovar belgisi, muvofiqlik sertifikati nusxalari (agar mavjud bo‘lsa);
innovatsion loyiha doirasida yaratilgan mahsulotga taalluqli bo‘lgan diplom, sertifikat va boshqa hujjatlar nusxalari (agar mavjud bo‘lsa).
Tanlov doirasida tashkil qilinadigan ko‘rgazmada buklet, planshet, videorolik, maket, texnik ishlanmalar, innovatsion mahsulotlarining namunalari va boshqalar bilan ishtirok etgan ishtirokchilarning loyihalari qo‘shimcha ballarga ega bo‘ladi.

Shuningdek, tanlovga qo‘yilgan innovatsion loyihaga tegishli, turli tashkilotlarda amaliyotga tatbiq etilganligi yoki tatbiq etish rejalashtirilganligini tasdiqlovchi hujjatlar, sinov eksperimentlari o‘tkazilganligi to‘g‘risidagi dalolatnomalar, bajarilgan ishlar va qo‘lga kiritilgan yutuqlar bo‘yicha ma’lumotlar hamda boshqa hujjatlar bo‘lsa nusxalari topshirilishi lozim. Tanlovda xotin-qizlar o‘z loyihalariga oid biznes-rejalar, investitsion bitimlar, texnik-iqtisodiy asosnomalar bilan ham ishtirok etishlari mumkin.

Ariza bilan birga topshiriladigan barcha hujjatlar qog‘oz shaklda, yagona papkaga jamlangan holda taqdim etiladi.

Tanlovda ishtirok etmoqchi bo‘layotgan xotin-qizlarning, innovatsion loyihasi bo‘yicha chop etilgan ilmiy ishlari va olgan muhofaza hujjatlarida hammualliflar bo‘lsa, intellektual mulk egasidan (egalaridan) rozilik xati olishlari lozim.

Tanlovning yakuniy bosqichi mamlakatimizning barcha hududlarida
joriy yilning 16 - 20 oktyabr kunlari o‘tkaziladi.

Tanlovning Markaziy Tashkiliy qo‘mitasi manzili: Oila va xotin-qizlar qo‘mitasi.Toshkent shahri, Mirzo Ulug‘bek tumani, M.Ismoiliy ko‘chasi 1Guy.

Bog‘lanish uchun telefonlar: 71-202-10-75; 99-727-84-23; 93-171-70-17.

Ilova