Toshkent davlat iqtisodiyot universiteti Samarqand filialida "Top 10 innovator" tanlovi bo'lib o'tadi.
Oliy ta’lim, fan va innovatsiyalar vazirining 2023-yil 9-avgustdagi “Talaba va yoshlarning bo‘sh vaqtini mazmunli tashkil etish tadbirlarini tashkil etish to‘g‘risida”gi 351-sonli buyrug‘iga binoan Toshkent davlat iqtisodiyot universiteti Samarqand filialida Iqtidorli talaba yoshlarning startap loyiha va innovatsion g‘oyalarini qo‘llab quvvatlash maqsadida filialning ilmiy va innovatsion faoliyatida yuqori natijaga erishgan “TOP 10 innovator” reytingini e’lon qilish uchun tanlov tashkil etildi.

Ushbu tanlovning maqsadi filialda namunali talim olayotgan iqtidorli yoshlarni aniqlash, iqtidorli talabalarning ilmiy va ijodiy faoliyatini qo‘llab-quvvatlash, ularni moddiy va ma’naviy rag‘batlantirish, iqtidorli talabalarning intellektual salohiyatini rivojlantirish, ilmiy tadqiqot ishlarini faollashtirish, ular bilan ishlashda tizimli va samarali faoliyatini yo‘lga qo‘yish hamda talaba-yoshlar o‘rtasida sof ilmiy raqobat muhitini yaratishga qaratilgan.

Tanlovga hujjatlarni qabul qilish 26-noyabrga qadar davom etadi.

Tanlovga kelib tushgan loyihalar 28-noyabrga qadar ko‘rib chiqiladi. Tanlov g‘oliblar 10-dekabr kuni e’lon qilinadi.

“TOP 10 Innovator” reytingida ishtirok etmoqchi bo'lgan talabalar Iqtidorli talabalarning ilmiy-tadqiqot faoliyatini tashkil etish bo'limi boshlig'i - J.Bo'riboyevga murojaat qilishingiz mumkin:
Manzil: 205 A xona
Tel: +998946423002