Qo'shma ta'lim dasturi bo'yicha hujjat topshirgan abituriyentlar uchun muhim yangilik va ma'lumotlar.

Hurmatli TDIU SF Bakalavriat va Magistratura qo‘shma ta’lim dasturlariga hujjat topshirgan abituriyentlar!

O‘zbekiston Respublikasi Vazirlar Mahkamasining “O‘zbekiston Respublikasi va xorijiy hamkor oliy ta’lim tashkilotlarining qo‘shma ta’lim dasturlari asosida ta’lim faoliyatini tashkil etish tartibi to‘g‘risidagi nizomini tasdiqlash haqida” 2021 yil 6 iyuldagi 421-sonli qarorida qo‘shma dasturlarga o‘qishga qabul qilish 2 bosqichda amalga oshirilishi belgilangan.

Shunga asosan, TDIU Samarqand filialida1-bosqich uchun imtihonlar 14-15 sentabr 2023 yilda bo‘lib o‘tdi.

Belgilangan mezonlar asosida 1-bosqichdan muvaffaqiyatli o‘tgan abituriyentlar 2-bosqichda Bilim va malakalarni baholash agentligi (avvalgi DTM) tomonidan qo‘shma ta’lim dasturlarida o‘qitish olib boriladigan chet tilidan kirish imtihoni o‘tkaziladi.

Bakalavriat bo‘yicha kamida В1 darajada, magistratura bo‘yicha kamida В2 darajadagi milliy yoki unga tenglashtirilgan xalqaro sertifikatga ega talabalar 2-bosqich imtihonidan ozod etiladi va ularga maksimal ball beriladi.

Hozircha Bilim va malakalarni baholash agentligi tomonidan 2-bochqich imtihoni kuni belgilanmadi.
2-bosqich imtihon sanasi va o‘tkazilish joyi aniq bo‘lishi bilanoq, TDIU Samarqand filialining qabul komissiyasi xodimlari Siz abituriyentlar bilan telefon orqali bog‘lanishlari va e’lon qilishlarini ma’lum qilamiz!