Toshkent davlat iqtisodiyot universiteti Samarqand filialida sportning 5 ta turi bo'yicha musobaqalar tashkil etiladi.
Joriy yil 23-maydan 3-iyungacha Toshkent davlat iqtisodiyot universiteti Samarqand filiali talabalari o’rtasida sportning beshta turi, jumladan, futbol,voleybol, basketbol, stol tennisi, shaxmat turlari bo’yicha musobaqalar tashkil etiladi. 
Ushbu sport musobaqalarining maqsad va vazifalari:
- Yoshlarni jismoniy va ahloqiy takomillashtirish;
- Sportni talaba-yoshlar o‘rtasida nufuzini oshirish va ommaviy rivojlantirish;
- Talaba-yoshlarni jismoniy tarbiya va sport mashg‘ulotlariga doimiy jalb qilish;
- Talaba-yoshlar o‘rtasida sog‘lom turmush tarzini shakillantirish.
Musobaqalar rejasiga kiritilgan sport turlari 23-maydan 3-iyun kunlarigacha, TDIU SF sport zalida o‘tkaziladi.
 

Toshkent davlat iqtisodiyot universiteti Samarqand filiali talabalari o’rtasida beshta (Futbol, voleybol, basketbol, stol tennis, shaxmat) sport turlari bo’yicha  o‘tkaziladigan sport musobaqalari jadvali

Musobaqalarda kimlar qatnasha oladi:

- Musobaqada kunduzgi bo‘limda o‘qiydigan bakalavriat talabalari uchun qatnashishlariga ruxsat etiladi.
- Har bir qatnashuvchi musabaqa nizomiga kiritilgan sport musobaqalarining hamma turlariga qatnashishga ruxsat beriladi.
- Musobaqada qatnashuvchilar sport formasida bo‘lishi shart.
- Jamoa musobaqalarida talabnomaga kiritilmagan o’yinchilar o’yinga kiritilsa, raqib jamoada bilan ziddiyatga (urishib ketsa), qo’pol sozlardan (haqorat qilsa) ishlatsa jamoa o’yindan chetlashtiriladi.

 Talabnomalarni berish muddati.
Nomli talabnomalar bir nusxada sport turlari bo‘yicha musobaqalar boshlanishidan bir kun oldin kechiktirmasdan filial sport klubi raisi o’rinbosariga taqdim etiladi.
Musobaqalar davomida qayta talabnoma berishga hakamlar hayatlari tomonidan sport turlari bo‘yicha musobaqa qoidalariga muvofiq jamoalar tarkibi musobaqalarga taqdim etilgan qatnashchilar ruxsat etiladi.

Musobaqalarda 1.2.3. o‘rinlarni egallagan jamoalar sport klubi va filial ma’muriyati tomonidan 1.2.3. darajali diplomlari va qimmatbaho savg‘alari bilan mukofatlanadi.
Qo'shimcha savol va takliflar uchun o'z guruhingiz tyutoriga yoki filial sport klubi raisi o'rinbosari Sh. Mizomovga murojaat qilishingiz mumkin.