"Akademik harakatchanlik" dasturi - O'zbekiston Respublikasi Vazirlar Mahkamasining 2021-yil 19-apreldagi 222-son qaroriga asosan har yili tashkil etiladi. Mazkur qarorda "Akademik harakatchanlik" dasturini shakllantirish, amalga oshirish, moliyalashtirish va monitoring qilish tartibi to‘g‘risida nizom qarorning 1-ilovasiga muvofiq tasdiqlangan.

➡️ https://lex.uz/uz/docs/-5377538

"Akademik harakatchanlik" dasturi - yosh olimlarning o'z ish joyidan ajralmagan holda, O'zbekiston Respublikasi hududida o'tkaziladigan ilmiy tadbirlarda ishtirok etish, ilmiy-tadqiqot ishi bo'yicha loyihalarni amalga oshirish, shuningdek, tajriba almashishni nazarda tutuvchi dastur hisoblanadi.

Ilm-fan sohasida amalga oshirilayotgan islohotlarga befarq bo'lmagan tashabbuskor yoshlar ushbu tanlovda ishtirok etishi tavsiya etiladi.

☝ Dasturda ishtirok etish uchun qo'yiladigan shartlar:

1. Loyiha ijrochisining yoshi ularning ilmiy darajasi, unvoni, mansabi va ish joyidan qat'iy nazar 40 yoshdan oshmasligi;

2. 1 ta ishtirokchi 1 ta ilmiy loyiha bilan ishtirok etishi;

3. Topshirilgan ilmiy loyiha summasi bazaviy hisoblash miqdorining 200 baravaridan oshmasligi

4. Dasturni amalga oshirish muddati 1 oydan 6 oygacha bo'lishi.

Tanlovga loyihalaringizni joriy yilning 16-18-may kunlari oralig'ida filial A bino 205-xonasi; "Ilmiy-tadqiqotlar, innovatsiyalar va ilmiy pedagogik kadrlar tayyorlash bo'limiga taqdim etishingiz so'raladi.

Tanlovda ishtirok etuvchi talaba-yoshlar A bino 205-xona, "Ilmiy-tadqiqotlar, innovatsiyalar va ilmiy pedagogik kadrlar tayyorlash bo'limi boshlig'i - S. Abduvohidovga yoki, "Iqtidorli talabalarning ilmiy tadqiqot faoliyatini tashkil etish bo'limi boshlig'i J. Bo'riboyevga uchrashishlari mumkin.
Telefon raqam: +99890 6020492 - S. Abduvohidov
+99894 6423002 - J. Bo'riboyev