“El-yurt umidi” jamgʻarmasi ilg'or xorijiy davlatlar nufuzli universitetlari va ilmiy markazlarida bakalavriat, magistratura va doktoranturada ta'lim olish uchun 2023-yilgi 1-stipendiya tanlovini e'lon qildi.
 

Stipendiya tanlovi doirasida jami 500ta o'rin ajratilgan bo'lib, turli bosqichlarda o'qish uchun quyidagicha taqsimlanadi:

-Bakalavriat ta'lim dasturi uchun 75ta;
-Magistratura ta'lim dasturi uchun 275ta;
-Doktorantura ta'lim dasturi uchun 150 ta o'rin.

Ushbu 500 o'rinning 60 tasi ayol-qizlar uchun qo'shimcha o'rin sifatida ajratiladi.

Jamg'arma stipendiyasi nimalarni qoplaydi?

"El-yurt umidi" jamg'armasi stipendiyasini qo'lga kiritgan nomzodlarning xorijda tahsil olishi uchun quyidagi xarajatlari qoplab beriladi:

* o'qish qiymati to'lovi (tuition fee)
* vizalar olish xarajatlari
* yiliga bir marta tahsil olinadigan davlatga borish va qaytish uchun transport xarajatlari
* yashash, ovqatlanish va transport xarajatlari
* zarur o'quv va ilmiy adabiyotlarni xarid qilish, shu jumladan darsliklar sotib olish, stipendiat ta'lim olayotgan xorijiy ta'lim, ilmiy yoki boshqa muassasa talablariga binoan ilmiy maqolalar chop ettirish, ilmiy maqolalarni ko'chirib (elektron tarzda yuklab) olish, maqolalar hamda ilmiy adabiyotlarning elektron bazasiga obuna bo'lish to'lovlari
* tibbiy sug'urta xarajatlari
* ta'lim olish bilan bog'liq boshqa xarajatlar

Stipendiya qanday sohalarda o'qish uchun beriladi?

Stipendiya ajratiladigan sohalar nihoyatda ko'p. Jumladan, ta'lim, san'at, tillar, ijtimoiy va xulq-atvorga mansub fanlar, jurnalistika va axborot, biznes va boshqaruv, huquq, biologiya va turdosh fanlar, atrof-muhit, fizika va tabiiy fanlar, matematika va statistika, axborot-kommunikatsiya texnologiyalari, muhandislik ishi, ishlab chiqarish va ishlov berish sohalari, arxitektura va qurilish, qishloq xo'jaligi, o'rmon xo'jaligi, baliq xo'jaligi, veterinariya, sog'liqni saqlash, xizmat ko'rsatish sohasi, gigiyena va ishlab chiqarishda mehnat muhofazasi, transport xizmatlari sohalari kesimida ko'plab mutaxassislik yo'nalishlari uchun stipendiya taqdim etiladi.

Stipendiya ajratiluvchi mutaxassislik yo'nalishlari bo'yicha BU YERDA batafsil tanishing.

Hujjat topshirish qachon?

Nomzodlarning hujjatlari 2023-yil 1-apreldan 1-mayga qadar, respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qilinadi. Hujjatlar onlayn hujjat topshirish platformasida amalga oshiriladi.

Saralash bosqichlari 2022-yil 1-maydan 1-iyunga qadar davom etadi. 

Saralash tanloviga oid barcha ma'lumotlar "El-yurt umidi" jamg'armasining www.eyuf.uz sayti orqali batafsil e'lon qilib boriladi.

Hujjat topshirish bilan bog'liq manbalar:

* Ro'yxatdan o'tish va hujjat topshirish bo'yicha qo'llanma
 * Topshiriladigan hujjatlar ro'yxati  
* Suhbat bosqichi haqida ma'lumot 
* Stipendiya nizomi (nizomda nomzodlarga qo'yilgan talablar keltirilgan)
* Baholash uslubiyoti

Ushbu stipendiya bo'yicha savollar yuzasidan telegram orqali @EYUF_Admission_2023 botiga murojaat qilishingiz mumkin.