Toshkent davlat iqtisodiyot universiteti Samarqand filialida Sohibqiron Amir Temur tavalludining 687 yilligiga bag'ishlangan konferensiya tashkil etiladi.

Joriy yilning 4-aprel kuni, filial faollar zalida O'zbekiston Respublikasi xalqaro Amir Temur jamoat fondi, Xalqaro Amir Temur jamoat fondi Samarqand filiali hamda TDIU Samarqand filiali hamkorligida buyuk bobokalonimiz 687 yillik tarixiga bag'ishlab "Sohibqiron Amir Temurning jahon taraqqiyotida tutgan o'rni" mavzusida ilmiy-amaliy konferensiya bo'lib o'tdi. Ushbu ilmiy-amaliy konferensiyaning dasturi bo'yicha konferensiya mehmonlari tomonidan quyidagi mavzularda maruzalar tinglandi:
1. Muhammad Ali - Respublika xalqaro Amir Temur xayriya jamoa fondi raisi - "Amir Temur buyuk bunyodkor".
2. Adxanbek Alimbekov - Toshkent davlat sharqshunoslik universiteti professori - "Amir Temur haqida birinchi roman".
3. Xurshid Fayziyev - Temuriylar tarixi davlat muzeyi rahbari - "Temuriylar shajarasiga oid ma'lumotlar tahlili".
4. Ziyodillo Muqimov - SamDU huquqshunoslik fanlari doktori, professor - "Sohibqiron Amir Temurning jahon sivilizatsiyasiga qo'shgan hissasi".
5 Mahkamoy Tursunova - SamDU professori. "Temur malikalarining bunyodkorlik faoliyati".
Tadbir davomida, talaba-yoshlar va yig'ilish qatnashchilari buyuk ajdodimiz haqida o'zlarini qiziqtirgan savollarga javob olishdi.