Toshkent davlat iqtisodiyot universiteti Samarqand filiali talabalari  talabalari "O'zbekinvest" eksport-import sugʻurta kompaniyasi Samarqand viloyat filialiga tashrif buyurishdi.
2023-yil 27-mart kuni filial katta oʻqituvchisi Z.O. Axrorov, assistent S.Doʻstmurodova va “Agroiqtisodiyot va investitsion faoliyat” taʼlim yoʻnalishi 3-kurs  talabalari “Oʻzbekinvest” eksport-import sugʻurta kompaniyasi Samarqand viloyat filialiga tashrif buyurishdi. Tashrif davomida sugʻurta tashkiloti bosh mutaxassislari Sanjar Toshtemirov va Zoyir Amonovlar tomonidan “Mol-mulk sugʻurtasi” mavzusi doirasida qiziqarli davra suhbati tashkil etildi. Suhbat jarayonida Oʻzbekinvest sugʻurta kompaniyasining sugʻurta bozoridagi mavqei va oʻrni, mol-mulk sugʻurtasini tashkil etish va hisob-kitoblarini olib borish, kompaniyada sugʻurta agenti boʻlish talablari, umumiy sugʻurta sohasidagi mavjud muammolar, sugʻurta sohasining kelajakdagi istiqbollari haqida fikr-mulohazalar olib borildi. Talabalar oʻzlarining qiziqtirgan savollari doirasida mutaxassislardan foydali maʼlumotlarni olishga muvaffaq boʻlishdi. Kelgusida bunday davra suhbatlarini koʻproq tashkil etish boʻyicha kelishib olindi.