Latviya hukumati tomonidan stipendiya tanlovi e’lon qilindi.
Latviyaning O‘zbekistondagi elchixonasining ma’lumotiga
ko‘ra, 2023-2024-o‘quv yilida Latviya hukumati tomonidan mazkur davlat ta’lim muassasalarida tahsil olish, ilmiy tadqiqotlar olib borish va yozgi lagerda ishtirok etish uchun stipendiya tanlovi e’lon qilindi. 
   Ushbu tanlovda (bakalavriyat, magistratura, doktorantura, yozgi lager) ishtirok etish istagida bo‘lgan nomzodlar arizalar va barcha zarur hujjatlarni ilova qilingan holda, 2023-yil 1-aprelga qadar on-line tarzda taqdim etishlari kerak.
Hujjatlarga ularning ingliz yoki latish tillariga notarial tasdiqlangan tarjimasi ilova
qilinishi kerak.
   Mazkur stipendiya tanlovi to‘g‘risidagi batafsil ma’lumot, shartlari va zarur hujjatlar ro‘yxati bilan Latviya Respublikasi Ta’limni rivojlantirish bo‘yicha davlat agentligining www.viaa.gov.lv/en/latvian-state-scholarships, www.viaa.gov.lv/en/summer-schools, www.viaa.gov.lv/en/studies veb-sahifalarida tanishish yoki Agentlikning xalqaro hamkorlik dasturlari katta mutaxassisi Marika Pira bilan scholarships@viaa.gov.lv elektron pochta manzili orqali bog‘lanish ham mumkin.