Toshkent davlat iqtisodiyot universiteti Samarqand filialida navbatdagi sport musobaqasi bo'lib o'tadi.

O‘zbekiston Respublikasi Vazirlar Mahkamasining 2022-yil 25-iyuldagi “Oliy ta’lim muassasalari talabalari o‘rtasida “Universiada-2022” sport musobaqalarining respublika final bosqichlarini o’tkazishga tayyorgarlik ko‘rish to‘g‘risida”gi 167-son (01 -07/1-2632, 25.07.2022 y) bayoniga muvofiq joriy yilning 7-10- fevral kunlari Namangan viloyatida shaxmat va shashka sport turlari bo‘yicha “Universiada” sport musobaqalarining Respublika final bosqichi o‘tkazilishi rejalashtirilgan. Shu munosabat bilan “Universiada” sport musobaqalarining Respublika final bosqichida ishtirok etishi uchun Toshkent Davlat iqtisodiyot universiteti Samarqand filialida 25-26-yanvar kunlari sportning shaxmat va shashka turlaridan og’il va qizlar o’rtasida filial bosqichi o’tkaziladi. Faxrli 1-2-o’rinni qo’lga kiritganlar 27-28-yanvar kunlarida o’tkaziladigan viloyat bosqichiga yo’llanmani qo’lga kiritadilar.

Ishtirok etish istagida bo’lganlar guruh tyutorlariga murojaat qilishingiz so’raladi.