Toshkent davlat iqtisodiyot universiteti Samarqand filiali 1-bosqichida tahsil olayotgan talabalarning ota-onalari uchun "Ochiq eshiklar kuni" tadbiri tashkil etildi.
Joriy yil 5-noyabr kuni filialda tahsil olayotgan talabalarning ota-onalari ishtirokida o'ziga xos tarzda "Ochiq eshiklar kuni" tadbiri tashkil etildi. Birinchi navbatda tashrif buyurchilarga filialda talabalar uchun yaratilgan shart-sharoitlar tanishtirildi, dars jarayonlarida ishtirok etishlari tashkillashtirildi. Shundan keyin ota-onalar va filial mas'ul xodimlari ishtirokida yig'ilish bo'lib o'tdi.
Yig'ilish davomida ota-onalar, filial haqida atroflicha ma'lumotlar olish bilan bir qatorda "Kredit-modul tizimi", filialda baholash tizimi, oliygoh ichki tartib qoidalari, shuningdek, odob-axloq qoidalarini haqida ham taqdimot ko'rinishida batafsil ma'lumotlar olishdi.
Shuningdek, yig'ilish yakunida o'zlarini qiziqtirgan savollariga, mas'ul xodimlar tomonidan atroflicha javob olishdi. 
O'z farzandining kelajagi uchun befarq bo'lmasdan, ushbu tadbirda qatnashgan, qimmatli vaqtlarini ayamagan ota-onalar uchun tashakkur bildiramiz! 
Toshkent davlat iqtisodiyot universiteti Samarqand filiali Matbuot xizmati.