TDIU Samarqand filialida O'zbekiston Respublikasi Konstitutsiyasiga o'zgartirish va qo'shimchalar kiritish yuzasidan bildirilgan takliflar muhokamasi bo'lib o'tdi.
 

Joriy yil 5-iyul kuni Toshkent davlat iqtisodiyot universiteti Samarqand filialida O'zbekiston Respublikasi Konstitutsiyasiga o'zgartirish va qo'shimchalar kiritish yuzasidan bildirilgan takliflar shuningdek, O'zbekiston Respublikasi Ekologik Partiyasi tomonidan ilgari surilayotgan takliflar tadbir ishtirokchilar tomonidan muhokama qilindi . Ushbu yig'ilishni "O'quv ishlar bo'yicha" direktor o'rinbosari, O'zbekiston Ekologik Partiyasi Samarqand viloyat deputati F. Axrorov hamda Ekologik Partiya Samarqand viloyat kengashi raisi Baxtiyor Abdullayevlar olib borishdi. 

Tadbir davomida Konstitutsiyaga kiritilayotgan o'zgarishlarda Ekologik Partiya tomonidan bildirilgan takliflar haqida atroflicha tushuntirishlar berildi. Ishtirokchilar tomonidan ushbu taklif etilgan moddalar atroflicha muhokama qilindi.
Jumladan 40-moddaga kiritilgan o'zgartirish:

O'zbekiston Respublikasi fuqarolari qonunda belgilangan hajmda kafolatlangan bepul tibbiy yordam olishga hamda tez va shoshilinch tibbiy yordamni ham o'z ichiga oladigan kafolatlangan bepul tibbiy yordam olishga haqli.

Davlat Orolbo'yi mintaqasidagi ekologik tizimni himoya qilish va tiklash, ushbu hududni barqaror ijtimoiy, iqtisodiy rivojlantirish bo'yicha zarur choralar ko'radi.

Yig'ilish davomida, O'EP tomonidan ilgari surilgan takliflar tadbir ishtirokchilari tomonidan qizg'in muhokama qilindi.