Qadrli talaba! Karantin vaqtida siz nafaqat oilangiz bilan muloqot qilishingiz, balki bo‘sh vaqtingizni unumli sarflashingiz mumkin. Misol uchun, qiziqarli kitobni oling va adabiyotning sehrli dunyosiga kiring. Kitoblarni o‘qish xotirani yaxshilaydi, dunyoqarashni kengaytirish, savodxonlikni oshirish, aqliy faoliyatini rag‘batlantirish imkonini beradi.
Talaba-yoshlarning bo‘sh vaqtlarini samarali tashkil etish va ular o‘rtasida badiiy asarlarning hayotimizdagi o‘rni va ahamiyatini targ‘ib qilish orqali yoshlarimizni har tomonlama sog‘lom va barkamol etib tarbiyalash, mustaqil va erkin fikrga ega iste’dodli yoshlarni har tomonlama qo‘llab-quvvatlash maqsadida Toshkent davlat iqtisodiyot universiteti Samarqand filial talabalari o‘rtasida “KITOBXON TALABA” tanlovi e’lon qilinadi.
Tanlov 2020 yil 29 - 30 aprel kuni soat 14.00 dan – 30 aprel kuni 14.30 gacha bo‘lib o‘tadi.
Tanlov shartlari quyidagilardan iborat:
- “Eng bilimdon kitobxon” sharti (test shaklida). Bunda, tanlov ishtirokchilari o‘rtasida 50 ta testni to‘g‘ri yechish talab etiladi; Test javoblarini jo‘natishda talabaning F.I.Sh, fakultet nomi va kurs va guruhi ko‘rsatilishi shart.
Test savollari https://t.me/TDIUSamfilial, https://t.me/TDIUSF_Siz_buni_bilasizmi telegram kanallarida hamda filialning https://www.sbtsue.uz/uz saytiga joylashtirilgan. Javoblarni @isomiddinov_yu telegram kanaliga jo‘natiladi.
- “Annotatsiya mahorati” sharti. Bunda, ishtirokchi tomonidan “Men yoqtirgan asar” nomi ostida o‘zi sevib o‘qigan asar bo‘yicha qisqacha ma’lumotlar – annotatsiya beriladi. Izox: Annotatsiya word varianda yozib @isomiddinov_yu telegram kanaliga jo‘natiladi.
- “Kitobxonlik va mutolaa madaniyatini keng targ‘ib etish” sharti. Bunda, ishtirokchi tomonidan kitobxonlik va mutolaa madaniyatini targ‘ib etish jarayoni vedio rolik asosida amalga oshiriladi. Izoh: Ishtirokchi tomonidan tayyorlangan video roliklar @isomiddinov_yu telegram kanaliga jo‘natiladi.
Tanlovda g‘olib deb topilgan 1-3-o‘rin sohiblari https://t.me/TDIUSamfilial, https://t.me/TDIUSF_Siz_buni_bilasizmi telegram kanallarida va filialning https://www.sbtsue.uz/uz saytiga joylashtiriladi.
Izoh: O‘zbek adabiyotining namoyondalari Abdulla Qodiriy, Abdulhamid Cho‘lpon, G‘ofur G‘ulom, O‘tkir Hoshimov, Tog‘ay Murod hamda Abdullo Oripovlar ijodini bir varaqlab chiqsangiz bo‘ldi!!!!
Marhamat, uydagi vaqtingizdan unumli foydalanib, tanlovda ishtirok eting va o‘z iqtidoringizni namoyon eting!!!
TDIU SF Yoshlar bilan ishlash, ma’naviyat va ma’rifat bo‘limi
------------------------------------
TDIU SF matbuot xizmati
Rasmiy telegram kanal
https://t.me/TDIUSamfilial, https://t.me/TDIUSF_Siz_buni_bilasizmi