O‘zbekiston Respublikasi Vazirlar Mahkamasining 2020 yil 31 dekabrdagi 824-son qarori 8-bob 41-qismiga asosan, bir fanga ajratilgan auditoriya soatining 25 foizini va undan ortiq soatni sababsiz qoldirgan talaba ushbu fandan chetlashtirilib yakuniy nazoratga kiritilmaydi hamda mazkur fan bo‘yicha tegishli kreditlarni o‘zlashtirmagan hisoblanadi. Yakuniy nazorat turiga kiritilmagan yoki kirmagan, shuningdek ushbu nazorat turi bo‘yicha qoniqarsiz baho olgan talaba akademik qarzdor hisoblanadi. Akademik qarzdor talaba ta’til vaqtida yoki keyingi semestrlar moboynida tegishli fanlardan o‘zlashtirilmagan “kreditlar” miqdoriga mos ravishda bazaviy to‘lov-kontrakt miqdoridan kelib chiqqan holda to‘lovni amalga oshirgandan so‘ng o‘zlashtirilmagan fanlarni o‘z hisobidan qayta o‘qish huquqiga ega.
Shu munosabat bilan, 2020-2021 va 2021-2022 o‘quv yillarida fanlardan akademik qarzdor bo‘lib,  fanlardan yetarli kredit to‘play olmagan (kreditga qolgan) talabalar o‘quv-metodik bo‘limiga joriy yilning 5 iyuligacha o‘zlashtirmagan fanini qayta o‘qish uchun ariza bilan murojaat qilishlarini so‘raymiz. 
Qo‘shimcha savollar bo‘yicha dekan o‘rinbosari I.S.Shukurovga tel: (93)-3430713 murojaat qilishingiz mumkin.