Toshkent davlat iqtisodiyot universiteti Samarqand filialining birinchi bosqich talablariga tanishuv darslari boshlandi

 Davlat test markazining natijalariga ko‘ra davlat granti hamda to‘lov-shartnoma asosida KUNDUZGI ta’lim shakliga talabalikka tavsiya etilgan talabalar uchun 2020-yilning 12-oktabridan TANISHUV darslari filialning malakali professor-o’qtuvchilari boshchiligida boshlanganligini ma’lum qilamiz.  

 

Tanishuv darslari ta’lim yo‘nalishlari bo‘yicha 3 kundan 12 kungacha o‘tkaziladi.

 An’anaviy ta’lim shaklida  boshlanayotgan ushbu dars jarayonlari karantin qoidalariga to‘liq amal qilingan holda, auditoriyalarning 50 foizdan ko‘p qismiga talabalarni kiritmasdan 3-smenda  olib boriladi. Paralar orasida talabalarga 10 daqiqalik tanaffus beriladi.

 

Tanishuv darslarida 1-bosqich talabalari dars jadvali, dars beradigan o‘qituvchi va professorlar bilan tanishtiriladi. Kerakli darsliklar va foydalaniladigan adabiyotlar haqida ma’lumot beriladi. Shuningdek, darslarda oliy ta’lim muassasasi talabasi maqomi, o‘tiladigan darslar, muhim qoidalar, kredit-modul tizimida o‘qish tartibotlari to‘liq tushuntiriladi.