Korrupsiyaga qarshi kurashish bo’yicha respublika idoralararo komissiya tomonidan Bosh prokuratura, Adliya vazirligi, Oliy va o’rta maxsus ta’lim vazirligi va O’zbekiston Yoshlar ittifoqi hamkorligida BMT Taraqqiyot dasturining “O’zbekistonda samarali, hisob beruvchi va shaffof institutlari orqali korrupsiyaga qarshi kurashish” loyihasi ko’magida “Yoshlar Vatan xizmatida rostgo’ylik va qonunlarni hurmat qilish tarafdori” mavzusida “Eng yaxshi plakat” va “Eng yaxshi surat” nominasiyalari bo’yicha tanlovlar o’tkaziladi.

Tanlov uch guruh kesimida o’tkaziladi:

birinchi guruh – akademik lisey o’quvchilari o’rtasida;

ikkinchi guruh – kasb-hunar kollej o’quvchilari o’rtasida;

uchinchi guruh – oliy ta’lim muassasalari talabalari o’rtasida.

Tanlov joriy yilning 23 noyabr kunidan 3 dekabr kuniga qadar o’tkazilib, g’oliblar hay’at a’zolari tomonidan 2019 yil 5 dekabr kuni Oliy va o’rta maxsus ta’lim vazirligi huzuridagi “Manaviyat va ma’rifat” markazi qoshidagi Talabalarning media ijtimoiy faoliyati va madaniy dam olish maskanida o’tkazilishi rejalashtirilgan ko’rgazmada tanlanadi.

Tanlov g’oliblariga quyidagi sovg’alar topshiriladi:

3-o’rin – Samsung Galaxy A 70 smartfoni (har bir yo’nalish bo’yicha bittadan, jami 6 ta).

2-o’rin – planshet (har bir yo’nalish bo’yicha bittadan, jami 6 ta);

1-o’rin – noutbuk (har bir yo’nalish bo’yicha bittadan, jami 6 ta);

Shuningdek, homiylarning boshqa esdalik sovg’alari ham topshiriladi.

Tanlov BMT Taraqqiyot dasturining “O’zbekistonda samarali, hisob beruvchi va shaffof institutlari orqali korrupsiyaga qarshi kurashish” loyihasi doirasida moliyalashtiriladi.

Tanlov natijalarini e’lon qilish hamda g’oliblarni taqdirlash Korrupsiyaga qarshi kurashish bo’yicha respublika idoralararo komissiyasi tomonidan “9 dekabr – Xalqaro korrupsiyaga qarshi kurashish kuni” munosabati bilan o’tkaziladigan Media - forumda tanlov hay’ati a’zolari, ishtirokchilar, ijodiy jamoatchilik, ommaviy axborot vositalari vakillari taklif qilingan holda amalga oshiriladi.

 Tanlov shartlari bilan batafsil quyidagi havola orqali tanishishingiz mumkin (tanlov nizomiga havola beriladi).Nizom